Дэ Лаўрэнціс пра зборныя: «Калі я заплаціў 50 млн за гульца, а ён вярнуўся траўміраваным, то яны павінны пакрыць клубу кожны дзень яго адсутнасці»
Прэзідэнт «Напалі» Аўрэліа Дэ Лаўрэнціс заклікаў павялічыць кампенсацыі клубам, чые гульцы атрымліваюць траўмы падчас матчаў за зборныя.
«Пачынаючы з 2013 года мы атрымалі каля 4 мільёнаў еўра кампенсацый за ўдзел нашых гульцоў у міжнародных матчах, нягледзячы на тое, што заўсёды выклікалася не менш за 10 чалавек.
Гэта нядобра. Я лічу, што ў міжнародных матчах павінны ўдзельнічаць гульцы не старэйшыя за 22 гады, каб яны атрымлівалі гульнявую практыку і былі навідавоку.
Таксама я лічу, што варта пакідаць выбар за клубам, адпускаць гульца ў зборную ці не, асабліва калі гэта таварыскі матч.
Калі я заплаціў 50 мільёнаў еўра за гульца, а ён вярнуўся траўміраваным, то яны павінны пакрыць клубу кожны дзень яго адсутнасці. Проста падумайце пра Нэймара», – сказаў Дэ Лаўрэнціс.
Падрабязна аб цяжкай траўме Нэймара можна прачытаць у гэтым матэрыяле Tribuna.com.
