РПЛ: «Ахмат» Рамашчанкі буйна прайграў «Растову», «Крылы Саветаў» Карпіцкага саступілі «Зеніту» і іншыя вынікі
21-22 кастрычніка прайшлі матчы каманд з беларускай прысутнасцю ў 12-м туры РПЛ.
21 кастрычніка
«Арэнбург» Кірыла Печаніна, Міхаіла Сівакова, Кірыла Капленка і Юрыя Кавалёва саступіў «Факелу» (1:2). Кавалёў і Сівакоў правялі ўвесь матч на лаўцы. Капленка не ўдзельнічаў у матчы з-за траўмы. Печанін не патрапіў у заяўку.
«Рубін» Віталя Лісаковіча і Аляксандра Мартыновіча згуляў унічыю з ЦСКА (0:0). Лісаковіч прапусціў матч праз траўму, Мартыновіч правёў яго на лаўцы.
22 кастрычніка
«Урал» Ягора Філіпенкі, Дзяніса Шчарбіцкага і Уладзіслава Малькевіча і галоўнага трэнера Віктара Ганчарэнкі прйграў «Сочы» (1:4). Малькевіч пачаў гульню ў стартавым складзе, але быў заменены на 46-й хвіліне. Філіпенка і Шчарбіцкі правялі ўвесь матч на лаўцы.
«Крылы Саветаў» Ягора Карпіцкага прайгралі «Зеніту» (1:3). Беларус правёў усю гульню на лаўцы запасных.
«Ахмат» галоўнага трэнера Міраслава Рамашчанкі разгромна прайграў «Растову» (0:3).