Парці выбыў да канца года з-за траўмы, «Арсенал» зімой выйдзе на рынак у пошуках апорніка
Паўабаронца «Арсенала» Томас Парці не дапаможа сваёй камандзе ў матчах да канца бягучага года.
Пасля праходжання ўсіх неабходных працэдур у 30-гадовага гульца дыягнаставалі траўму сцягна. Дата яго дакладнага вяртання на поле будзе вядома пазней.
Гэта некалькі змяніла планы «Арсенала» на зімовае трансфернае акно. Паводле інфармацыі інсайдэра Фабрыцыа Рамана, лонданцы зараз маюць намер узмацніць пазіцыю апорнага паўабаронцы.
«Арсенал» разглядае варыянт з падпісаннем Дугласа Луіса з «Астан Вілы». 25-гадовы бразілец лічыцца ключавым гульцом праекта каманды Уная Эмеры, таму «кананірам» давядзецца выдаткаваць шмат грошай, каб ажыццявіць яго трансфер.
Луіс у гэтым сезоне забіў шэсць галоў і аддаў два асіста у 16 матчах. Трансфермаркт ацэньвае іграка ў 55 мільёнаў еўра.
