РПЛ: «Рубін» Лісаковіча прайграў «Дынама»
2-4 снежня праходзяць матчы каманд з беларускай прысутнасцю ў 17-м туры РПЛ.
2 снежня
«Сочы» саступіў «Крылам Саветаў» (0:2) беларускага фарвада Ягора Карпіцкага. Карпіцкі правёў увесь матч на лаўцы запасных.
«Ніжні Ноўгарад» абыграў «Урал» (1:0) беларускага трэнера Віктара Ганчарэнкі і гульцоў Ягора Філіпенкі, Уладзіслава Малькевіча і Дзяніса Шчарбіцкага. Малькевіч пачаў матч у стартавым складзе і правёў усю гульню на полі. Філіпенка і Шчарбіцкі правялі ўвесь матч на лаўцы.
3 снежня
«Арэнбург» беларусаў Міхаіла Сівакова, Юрыя Кавалёва і Кірыла Капленкі саступіў «Краснадару» (1:2). Сівакоў пачаў матч у стартавым складзе і правёў яго да канца. Кавалёў пачаў гульню на лаўцы, але выйшаў на замену на 79-й хвіліне. Капленка пачаў гуляць у стартавым складзе, але быў заменены на 79-й хвіліне.
«Ахмат» беларускага трэнера Міраслава Рамашчанкі абыграў «Спартак» (2:1).
4 снежня
«Рубін» Аляксандра Мартыновіча і Віталя Лісаковіча ў гасцях саступіў «Дынама» (0:1). Мартыновіч выйшаў у стартавым складзе, але быў заменены на 89-й хвіліне. Лісаковіч не прыняў удзел у матчы з-за траўмы.
