Юрый Вяргейчык: «У 2019 у АБФФ звярнулiсь з просьбай – падабраць кандыдатуру на пасаду гендырэктара «Дынама»

Кіраўнік федэрацыі футбола Мінска Юрый Вяргейчык на цырымоніі закрыцця сезона 2023 «Дынама» Мінск распавёў пра тое, як прымалася рашэнне аб прызначэнні Андрэя Талмача на пасаду генеральнага дырэктара каманды.

«У 2019 годзе ў мінскага «Дынама» змяніўся ўласнік, быў вельмі складаны перыяд. Да нас звярнулася кіраўніцтва горада [Мінска] з просьбай – падабраць кандыдатуру дастойную на пасаду генеральнага дырэктара мінскага «Дынама». З умовай, што гэта павінен быць прыстойны чалавек з досведам працы ў футболе.

Мы падумалі і вырашылі дадаць яшчэ адзін крытэр, каб гэта быў абавязкова выхаванец мiнскага «Дынама». І мы знайшлі гэтую кандыдатуру. Але адна няўдача. Гэты чалавек [Андрэй Талмач] трэніраваў нацыянальную зборную і вядучы клуб краіны «Сталіцу» па міні-футболе.

Аргументаў было няшмат, фінансавыя ўмовы, якія мы маглі прапанаваць, былі значна горшыя. Мы сустрэліся, пагаварылі, і, на маё здзіўленне, гэты чалавек даў дабро.

Так атрымалася, што за гэты кароткі перыяд, чатыры гады, у клуба з'явіцца стадыён, свой інтэрнат, жаночая каманда. Я ўжо казаў, ва ўсіх узростах практычна яны чэмпіёны.

Андрэй Валерʼевіч, я дзякую лёсу за тое, што яна звяла мяне з вамі. Вы – гонар нашага беларускага футбола. Пакуль ёсць такія людзі, як вы, я ведаю, што футбол у нас ёсць, быў і будзе», – сказаў Вяргейчык.