Чычкан пра батумскае «Дынама»: «Кантракт да канца 2023-га. І калі да завяршэння лічаныя дні, а пра будучыню ні слова, выснова напрошваецца сама сабой»

Беларускі галкіпер батумскага «Дынама» Антон Чычкан падзяліўся думкамі пра сезон у Грузіі і пракаментаваў інфармацыю пра масавы сыход футбалістаў з клуба.

Сярод тых, хто пакідае клуб, называўся і беларус.

– Ці прысутнічае поўнае задавальненне ад сезона-2022/23?

– Год выйшаў добры. І ў цэлым гэты адрэзак у кар'еры занясу ў актыў: стаў двухразовым чэмпіёнам Грузіі. Так, Кубак узяць не ўдалося. Не гуляў у апошнія месяцы, але на гэта ёсць прычыны. Досвед у батумскім «Дынама» атрымаў добры. І ён сапраўды пойдзе на карысць.

– Якія прычыны?

– У мяне да канца 2023 года кантракт з клубам. Таму пакуль пра гэтым казаць не магу. Ніякіх гутарак з кіраўніцтвам пра падаўжэнне працоўных адносін або іх спыненне не было. І калі да завяршэння пагаднення застаюцца лічаныя дні, а пра будучыню не сказана ні слова, то выснова напрошваецца сама сабой…

– Прайшла інфармацыя пра масавы адток футбалістаў з «Дынама» – дзесяці, а то і пятнаццаці чалавек…

– Сыходзіць хлопцы сапраўды будуць. Колькасць не ведаю, бо зараз каманда ў адпачынку. Нехта знайшоў іншы клуб, у кагосьці проста скончыліся гадавыя кантракты, але пра гэта не аб'яўляецца. Як і са мной, з некаторымі хлопцамі кіраўнікі не размаўлялі. Хтосьці працягваць выступаць у Батумі не жадае. Відавочна, ёсць праблемы. Хаця я даўно пацікавіўся, ці бачаць мяне далей у камандзе. Але ніякай канкрэтыкі так і не дачакаўся. Крыху дзіўна, бо мы ўсе дарослыя людзі і павінны прымаць рашэнні, а пасля іх агучваць, – сказаў Чычкан.