Антон Чычкан: «Хочацца ў Еўропу. І каб людзі атрымлівалі асалоду ад жыцця, бо іншага не будзе»

– Каб людзі сталі дабрэй і атрымлівалі асалоду ад жыцця, бо іншага не будзе. Каб твая справа прыносіла задавальненне. Не важна, хто ты – лекар, настаўнік або спартовец. А калі казаць пра сябе, то хочацца гуляць у добрым чэмпіянаце. У класнай камандзе. Каб на матчы прыходзілі заўзятары. Дарэчы, сёлета ў Батумі на некалькіх сустрэчах на стадыёне быў біток – пад 20 тысяч. Шкада, пасля лета ўсё змянілася. А на ўзнагароджанні пасля гульні з кутаіскім «Тарпеда» прысутнічала ўсяго дзве тысячы... Хочацца быць там, дзе ты патрэбен і важны. Для мяне гэта мае вялікае значэнне. Любы досвед дазваляе расці над сабой і рабіць высновы. Да мэты прыйдзеш, калі яе для сябе вызначыў. Стаяць на месцы я сапраўды не хачу.

– Вядома пра магчымасці апынуцца ў Бельгіі, Даніі. Еўрапейскія чэмпіянаты па-ранейшаму вабяць?

– Мне падабаецца легіянерскі вопыт. Ужо два гады выступаю не ў Беларусі. Гэта цікава, ці падыходзіць мне і сям'і. А ў Еўропу хочацца – паспрабаваць сябе на тым узроўні. Нават не мае вялікага значання краіна. Там у любым выпадку іншы падыход да футбола. Зараз гляджу ў бок Старога Свету. Усё абавязкова атрымаецца!

– Ну і напрыканцы – чаго пазычыце людзям перад Новым годам?

– Пазітыву, дабра, кахання, радасці ад жыцця! Будуйце планы, размаўляйце, гадуйце дзяцей, заводзіце новыя знаёмствы! І менш негатыву, ён нас заўсёды сам знойдзе – так што шукайце ва ўсім пазітыў. З надыходзячым! – сказаў Чычкан.