Амін Кургхелі: «Калі ты VAR-асістэнт – гэта іншы від спорту»
Беларускі футбольны арбітр Амін Кургхелі расказаў пра тое, як праходзіць навучанне тэхналогіі VAR.
«Працэс навучання працаёмкі, складаны, але цікавы. Патрэбна практыка, якую зараз праходзім. Паступова набіраемся досведу. У хуткім часе, хочацца верыць, будзем гатовы. Прайшлі два модулі ў Маскве, а бягучы, практычны, завяршае нашу вучобу.
Калі ў полі ёсць толькі некаторыя асаблівасці ў працы, такія як паўзы са свістком, паўзы перад фіксацыяй становішча «па-за гульнёй», то калі ты ў ролі відэаасістэнта... Як гаворыцца, гэта іншы від спорту. Для нас зараз усё ў навінку. Але спраўляемся. Вельмі важная камунікацыя галоўнага суддзі і VAR-асістэнта. Тонкасцяў нямала. Пашанцавала, што з намі працуе адзін з найлепшых ментараў у гэтай справе Далібор Джурджавіч.
Дзякуй расійскай і беларускай федэрацыям за тое, што далі нам магчымасць вучыцца. Без гэтай атэстацыі абслугоўваць статутныя матчы на міжнароднай арэне нельга. А зараз, з сертыфікатам, можам быць кандыдатамі на такія прызначэнні», – сказаў Кургхелі.