Уладзіслаў Марозаў: «Цяпер у Партугаліі стала на аднаго заўзятара «Дынама-Мінск» больш»
Экс-гулец мінскага «Дынама» Уладзіслаў Марозаў, які 29 студзеня перайшоў у партугальскую «Аруку», развітаўся з заўзятарамі свайго былога клуба.
«Дарагія заўзятары «Дынама-Мінск», мінулы год для мяне і для каманды выдаўся вельмі ўдалым, але зараз такі перыяд, што даводзіцца сказаць «Да пабачэння». Я ўдзячны вам за вашую неверагодную падтрымку. Нягледзячы на тое, што я знаходзіўся ў камандзе ўсяго 1 год, я адчуў вашую любоў, ваш неверагодны клопат. Дзякуючы вашым словам мы сталі чэмпіёнамі, і ў кожнага з нас атрымалася дасягнуць нейкіх вызначаных мэт, таму што вы заўзелі не персанальна за кагосьці, а заўсёды за ўсю каманду цалкам. Дзякуй вам вялікі за гэта, і цяпер у Партугаліі стала на аднаго заўзятара «Дынама-Мінск» больш. Убачымся», – сказаў Марозаў.
У сезоне-2023 Марозаў правёў 28 матчаў у ЧБ, 2 у Кубку і 2 у Лізе канферэнцый. Нападаючы забіў 19 мячоў ва ўсіх турнірах і аддаў 8 дзейсных перадач.
