Антон Чычкан: «Для мяне «Вісла» – гэта новы выклік, новы этап у кар'еры, і я рады гэтаму»
Беларускі брамнік Антон Чычкан пракаментаваў свой пераход у кракаўскую «Віслу» з польскага Д2.
– У вашым кантракце прадугледжана магчымасць падаўжэння. Правільна разумею, што гэтая опцыя будзе актываваная ў выпадку выхаду «Віслы» ў Экстракласу?
– У кантракце шмат пунктаў, і адзін з іх – менавіта тое, пра што вы сказалі.
– Раней за «Віслу» выступаў Міхаіл Сівакоў. Можа, раіліся з ім?
– Не, ні з кім не раіўся. «Вісла» заўсёды была на слыху. У горадзе ўсе пра яе гавораць. Тут дзве каманды, але для большасці жыхароў Кракава ёсць толькі адна – «Вісла». У яе з «Краковіяй» прынцыповае супрацьстаянне і варожасць.
– Апроч вас, у «Вісле» яшчэ трое брамнікаў. Гатовыя да канкурэнцыі?
– Канкурэнцыя – гэта добра ў любым выпадку. Трэба, каб на кожнай пазіцыі было не па адным гульцу, толькі тады ты будзеш расці і развівацца. Вядома, я гатовы. Для мяне гэта новы выклік, новы этап у кар'еры, і я рады гэтаму. Жадаю рухацца толькі наперад. Упэўнены, усё атрымаецца!
– Калі чакаць вашага дэбюту? Можа, ужо 23 лютага, калі «Вісла» прыме «Тыхы-71»?
– Пакуль не ведаю. Ёсць пытанне па рэгістрацыі – мне трэба атрымаць працоўную візу. Гэтым займаецца клубны офіс. Але спадзяюся выйсці на футбольнае поле як мага хутчэй. А там ужо залежыць ад трэнера – ад таго, як ён бачыць сітуацыю і ацэньвае маю гатоўнасць. Але ад сябе скажу, што гатовы. Буду чакаць шанцу і карыстацца ім, – адказаў Чычкан.
