Карлас Алос: «У Марозава моцны характар, у «Ароцы» ён павінен рухацца крок за крокам»
Галоўны трэнер зборнай Беларусі Карлас Алос выказаўся пра беларускіх футбалістаў, якія з'ехалі ў замежныя чэмпіянаты.
– Многія гульцы ў міжсезонне зʼехалі з беларускіх клубаў за мяжу. Пазітыўны трэнд?
– Для саміх футбалістаў гэта добра. Яны пераязджаюць у іншую краіну, у новы чэмпіянат, гэта дапамагае ім расці і як футбалістам, і як асобам. А вось беларускай лізе адʼезды найлепшых гульцоў не ідуць на карысць.
– Хто з кандыдатаў у зборную пакінуў добрае ўражанне?
– Кірыл Пячэнін. У «Арэнбургу» ён у апошні час не гуляў, а ў «Крылах Саветаў» удзельнічаў у кантрольных матчах. Ягор Карпіцкі забіў прыгожы гол за тыя ж «Крылы». Валерый Грамыка таксама паразіў вароты ў адным са спарынгаў, але затым пакінуў «Тарпеда», і пакуль не зразумела, дзе ён апынецца…
– Вы згадалі Марозава. Як ацэньваеце ягоныя шанцы зайграць у «Ароцы»,?
– Уладзіславу будзе нялёгка. Там два класныя форварды – Крыста і Рафа Мухіка. Яны абодва іспанцы, так што я добра іх ведаю. У той жа час у Марозава моцны характар, і ён павінен рухацца крок за крокам, спрабаваць выкарыстоўваць прадстаўленыя магчымасці. «Арока» – моцная каманда, а ў чэмпіянаце Партугаліі моцныя супернікі, там гуляюць у тэхнічны футбол. Пакуль Уладзіслаў не выходзіць на поле, неабходна пачакаць, – сказаў Алос.
