Вячаслаў Грыгараў: «Трэба задаць пытанне Алосу: чаму Марозаў выйшаў на поле ў матчах Беларусі з Чарнагорыяй і Мальтай з лаўкі?»

Беларускі спецыяліст Вячаслаў Грыгараў падзяліўся меркаваннем аб спарынгу зборных Беларусі і Мальты (0:0).

– Па статыстыцы ў нас лепей працэнт і валодання, і дакладнасці перадач. Але трэба разумець, што гэты кантроль фактычна адбываўся паміж трыма цэнтральнымі абаронцамі. А супернік жа быў нядрэнны ў прэсінгу: як толькі мяч прыходзіў да аднаго з нашых крайніх цэнтрдэфаў, блок з чацвярых футбалістаў зборнай Мальты адразу ж навальваўся на гэты фланг.

Адпаведна, неадкладна ішла доўгая перадача. А што зробяць Шуманскі і Кірэеў у паветры, калі ім супрацьстаяць апаненты вышэй на галаву?.. Таму Арцёму нават прыйшлося некалькі разоў спускацца ніжэй у спробе атрымаць мяч. То бок, нашым хлопцам можна было нешта прыдумаць толькі за кошт індывідуальных дзеянняў.

Успомнім, як мы стварылі самы небяспечны момант у пачатку другога тайма, калі Печанін падаў, а Шуманскі прабіў галавой: да гэтага ўпершыню з пачатку матчу атрымаўся доўгі кантроль – дзесьці з паўхвіліны. Мне падабаецца, што мы спрабуем больш валодаць мячом, вось толькі марнатравім перадачамі назад. Без абвастрэнняў цяжка.

Любы пас назад сігнал, што супернік пачне прэсінг. Нам трэба дадаваць у агрэсіі, інакш галы будуць давацца звышнатужна. Мальтыйцы ж прыходзілі на чужую палову і кантралявалі мяч каля штрафной або спрабавалі стварыць вастрыню з дапамогай моцных якасцей асобных гульцоў.

– Выйшаў на поле Марозаў і крыху прыўнёс новых фарбаў

– Нанёс удар у створ. Згуляў на сваім узроўні. Мне падабалася, як ён выступаў у зборнай у мінулым годзе. Улад – форвард з добрай агрэсіяй, нядрэнна прэсінгуе і які дастаўляе абаронцам праблемы.

Ізноў-ткі трэба задаць пытанне трэнеру: чаму Марозаў выйшаў на поле ў матчах з Чарнагорыяй і Мальтай з лаўкі? Бо Алос рыхтуе каманду да кожнага апанента, разбірае яго, знаходзіць моцныя і слабыя бакі і на гэтай аснове вызначаецца са стартавай адзінаццаткай. Зноў скажу: рады, што ў групе нападу ў зборнай з'явіліся разнапланавыя футбалісты.

Лапцеў і Марозаў – форварды аднаго калібра, Кірэеў і Шуманскі – іншага. У трэнера ёсць магчымасць вар'іраваць склад, – сказаў Грыгараў.