Ігар Слесарчук: «Смаргонь» часта карнаваліць»

– Сыходзячы з таго, як складваўся паядынак, мы незадаволеныя вынікам. Але не варта гнявіць Бога. Вырвалі нічыю ў дададзены час, і зараз мы рады. І рыхтуемся да наступнага паядынку.

Каманда была нядрэнная: што на мячы, што бяз мяча. Нічога не далі стварыць камандзе саперніка. Хаця рыхтавацца нам было вельмі цяжка. У трох папярэдніх турах у «Нафтана» не было пазіцыйнага нападу. Сутыкнуліся з пэўнымі цяжкасцямі... чаго чакаць? Як каманда будзе дзейнічаць на мячы, бо яны на мячы да гэтага практычна не дзейнічалі. Усе бачылі, што мы справіліся. Ганаруся сваімі футбалістамі.

Нягледзячы на тое, што грэшылі ў простых сітуацыях, калі авалодвалі мячом, нявымушанымі стратамі. Бракавала дынамікі. Мусіць, ледзь памыліўся... трохі перагрузіў на тыдні. Таму не хапала нам дынамікі пры пераходзе з абароны ў атаку. Крыху мне не спадабаўся гэты момант.

Ну, і, канешне, наша міжнацыянальная хвароба. Будзь то казах, рускі, беларус ці афрыканец, на жаль, часам здараецца, як я называю, карнавал. Футбол у першую чаргу пакуты і цярпенне, і толькі потым радасць. А мы часта карнавалім.

– Ці стаў для вас сюрпрызам малюнак гульні «Нафтана»?

– Не. У трох папярэдніх турах «Нафтан» нізка абараняўся і ўцякаў у атаку. Мы разумелі, улічваючы наш статус, супернік паспрабуе змяніцца. Але, мяркую, вы бачылі, што мы іх прымусілі так згуляць. Так, часам «Нафтан» перахапляе ініцыятыву, але ў цэлым, напэўна, мы былі больш на мячы. Але не хапіла вастрыні, – сказаў Слесарчук.