Алімардон Шукураў: «Засумаваў па футболе. Рады дэбютаваць за «Тарпеда-БелАЗ»

Паўабаронца «Тарпеда-БелАЗ» Алімардон Шукураў падзяліўся меркаваннем аб матчы са «Смаргонню» (2:0).

– Я вельмі засумаваў па футболе, па атмасферы, бо даўно не гуляў. Вельмі рады свайму дэбюту і тое, што каманда атрымала перамогу.

Я толькі на гэтым тыдні пачаў трэніроўкі ў агульнай групе. На ўсе сто працэнтаў пакуль не гатовы, але ў хуткім часе пастараюся прыйсці ў добрую форму і дапамагаць камандзе.

– Што перад выхадам на замену казаў табе трэнер?

– Выйсці на поле і гуляць, як умею.

– Лічыш, дэбют атрымаўся? Ці хацеў вызначыцца галявымі дзеяннямі ў першай жа гульні?

– У першую чаргу хацеў, каб каманда перамагла. Было б класна, калі б я неяк вызначыўся. Але нічога, у будучыні пастараюся гэта зрабіць. Можа, ужо ў наступным матчы.

– Як табе база клуба? Умовы лепшыя, чым у Гродне?

– Так, магу сказаць, што тут усё на парадак лепш. Хаця і ў Гродне ўсё было выдатна.

– Жывеш пакуль там жа?

– Пакуль так. Гэта мне трэба для таго, каб шмат трэніравацца і хутчэй набраць форму, – сказаў Шукураў.