Корсак пра пераход у грэчаскую «Монтэ Драму»: «Думаю, праблем з візай не будзе – кіраўніцтва дапамагае. Пра заробак не хацелася б казаць»
Экс-варатар «Гомеля» Уладзімір Корсак распавёў пра ўмовы ў сваім новым клубе – грэчаскай «Монтэ Драме».
– Грэкі, як і многія паўднёвыя народы, славяцца сваёй павольнасцю. Асабліва ў плане дапамогі іншым людзям. Ці не страшна, што перыяд адаптацыі ў камандзе з-за гэтага можа зацягнуцца? Або для брамніка – гэта меней актуальна: адбівай сабе мячы, ды і ўсе справы.
– Так, я чуў аб гэтай асаблівасці. Але ў маім выпадку дырэктар ужо вельмі зацікаўлены ў маім скарэйшым прыбыцці. Дапамагае мне ва ўсіх пытаннях, якія датычацца афармлення дакументаў, пераезду. Я думаў, што ўся гэтая справа зацягнецца, а так атрымліваецца, што ў мяне ўсе справы выходзяць вельмі хутка. Сам дзіўлюся. З адаптацыяй у варатароў, думаю, усё прасцей. Палявым у першую чаргу трэба тактыку разумець, для гэтага важная мова, а варатары ў ёй не задзейнічаны. Таму, мяркую, будзе лягчэй. Але ўсё роўна, спадзяюся, што хутка вальюся ў калектыў.
– Калі ў цябе плануецца пераезд? Якія пытанні яшчэ трэба вырашыць?
– Цяпер дарабляю візу, для гэтага трэба падавацца ў консульства ў Маскве, збіраю ўсе неабходныя дакументы.
– З візай могуць узнікнуць праблемы?
– Думаю, ніякіх праблем не ўзнікне, паколькі кіраўніцтва клуба мне дапамагае абсалютна ва ўсім.
– Што канкрэтна табе клуб абяцаў на новым месцы?
– Клуб будзе дапамагаць у плане харчавання і жылля. Ну і заробак, само сабой.
– Наколькі яна супастаўная з даходамі ў белгандболе?
– Пра зарплату не хацелася б казаць. Думаю, на жыццё ў Грэцыі хопіць. З узроўнем даходаў у беларускім гандболе параўнаць не магу, тут у кожнага ж усё індывідуальна, – распавёў Корсак.