Крэйг Вудкрафт: «Настаў час і для Беларусі вярнуцца на сваё законнае месца ў алімпійскай хакейнай нацыі»

Галоўны трэнер зборнай Беларусі Крэйг Вудкрафт падзяліўся меркаваннем пра перспектывы каманды.

Нагадаем, канадзец прылятае ў Мінск 16 красавіка для правядзення збору.

– За апошнія чатыры гады федэрацыя хакея Беларусі прарабіла вялікую і вельмі патрэбную працу.

У нацыянальнай камандзе адбылася змена пакаленняў, з'явіўся клуб у МХЛ, стала больш увагі надавацца развіццю маладых талентаў.

Праз паслядоўную працу ў вертыкалі: школы – моладзевыя каманды – «Дынама» – зборная, атрымалася знайсці нямала будучых зорачак, якія ўжо сёння гатовыя да канкурэнцыі на дарослым узроўні.

Праграма даказала сваю эфектыўнасць і павінна быць прадоўжана, тут абавязкова патрэбна стабільнасць.

Эфектыўнасць такога падыходу даказана. Возьмем, напрыклад, зборную Славакіі. У іх быў адзін і той жа галоўны трэнер і кіраўніцтва на працягу больш за шэсць гадоў. Паглядзіце, якога поспеху яны дабіліся на мінулай Алімпіядзе, выйграўшы медалі.

Нашы апошнія вынікі (перамога ў Кубку Першага канала, гульня на роўных з тымі ж славакамі ў мінулай кваліфікацыі) гавораць аб тым, што настаў час і для Беларусі вярнуцца на сваё законнае месца ў алімпійскай хакейнай нацыі. Трэба працягваць працаваць у абраным напрамку і фармаце.

Для гэтага неабходна захаваць зладжанасць дзеянняў паміж «Дынама» і зборнай, дзе трэнерам павінен быць адзін і той жа чалавек. Тэрмін яго паўнамоцтваў павінен распасцірацца на бліжэйшыя тры сезоны, гэта значыць да канца наступнага алімпійскага цыклу, – сказаў Вудкрафт.

Нагадаем, у адказ на вайну, якая з 24 лютага 2022-га працягваецца Расіяй ва Украіне з выкарыстаннем тэрыторыі Беларусі, МАК 28 лютага 2022-га апублікаваў рэкамендацыю адхіліць прадстаўнікоў Расіі і Беларусі ад міжнародных спаборніцтваў, як i зрабiла большасць сусветных федэрацый па відах спорту. 28 сакавіка 2023-га МАК абвясцiў, што з гэтага моманту рэкамендуе дапускаць да міжнародных спаборніцтваў беларускіх і расійскіх індывідуальных атлетаў у нейтральным статусе, калі такія спартсмены не дапускалі «актыўнай падтрымкі» вайны ва Украіне, а таксама не маюць кантракта з ваеннымі або сілавымі ведамствамі Беларусі ці Расіі.