Уладзімір Крыкуноў: «Не ведаю, што ў «Дынама» засталося ад Вудкрафта, але праца Квартальнава мне спадабалася»

Былы трэнер мінскага «Дынама» і зборнай Беларусі Уладзімір Крыкуноў распавёў пра стыль мінчан пад кіраўніцтвам Дзмітрыя Квартальнава.

– Гэтая каманда Квартальнава мне значна больш падабаецца, чым тыя, з кім ён працаваў да гэтага. Не ведаю, што там засталося ад Вудкрафта, але мне спадабалася. Застаўся канадскі атакуючы стыль, але «Дынама» гуляла ў добры, камбінацыйны, стваральны хакей. Да таго ж, ён яшчэ быў хуткім. Пры Крэйгу я не памятаю, каб яны так гулялі. Можа, калі аднойчы абыгралі нас, але тады ў Касціцына была зорная гадзіна, – сказаў Крыкуноў.