Сяргей Новікаў: «Дзяржава Беларусі аказвае падтрымку біятланістам, будзем прагрэсаваць. Смольскі не згубіўся б на Кубку свету»
Экс-біятланіст зборнай Беларусі Сяргей Новікаў падзяліўся меркаваннем аб выступленнях Антона Смольскага на сумесных турнірах з Расіяй.
У гэтым сезоне ён выйграў агульны залік Кубка Садружнасці.
Нагадаем, што шматлiкія беларускія каманды і спартсмены былі адхіленыя ад міжнародных спаборніцтваў у адказ на вайну, якая з 24 лютага 2022 года працягваецца Расiяй ва Украіне з выкарыстаннем тэрыторыі Беларусі.
– Я вельмі рады, што Антон выдатна справіўся з галоўнай задачай мінулага сезону і здолеў выйграць Кубак Садружнасці. Смольскі задаў высокую планку айчыннаму біятлону, якую трэба будзе нам трымаць у далейшым. Не сумняваюся, што Антон не згубіўся б у мінулым сезоне сярод наймацнейшых на этапах Кубка свету.
Па ходзе сезона не ўсё ў лідэра нашай мужчынскай каманды складалася гладка. Усе нашы спецыялісты і балельшчыкі памятаюць, што Смольскі з-за розных прычын няроўна пераадолеў усю спаборніцкую дыстанцыю. Пачаў у верасні феерычна на лыжаролерным дэбютным этапе ў Сочы.
Але ўжо ў снежні ва Уфе фартуна адвярнулася ад сярэбранага прызёра Алімпіяды ў Пекіне – у беларуса была толькі адна кветкавая цырымонія ў трох зімовых гонках.
Праўда, упэўненасць у сваіх сілах да Смольскага вярнулася на трэцім этапе Кубка Садружнасці ў Раўбічах – у яго актыве перамогі ва ўсіх дысцыплінах. Мабыць, хатні поспех стаў залогам таго, што наш біятланіст зможа ўтрымацца на верхнім радку агульнага заліку КС. Антон змог бронзу мінулага сезона Кубка Садружнасці дзякуючы медальнаму выступленню на заключным этапе ў Мурманску змяніць на золата.
Гэты поспех Смольскага пасадзейнічае папулярызацыі спорту і біятлона, у прыватнасці, у нашай краіне. Я ўпэўнены, што дзякуючы таму, што наша дзяржава аказвае каласальную падтрымку біятланістам, не абмяжоўваючы вядучых спартсменаў і перспектыўны рэзерв у вучэбна-трэніровачных зборах, спаборніцкай практыцы на сучасных айчынных базах, а таксама за межамі Рэспублікі Беларусь, наш біятлон і далей будзе прагрэсіраваць.
А гэта значыць, што ў краіне не перастануць нараджацца новыя біятлонныя таленты, якія будуць пазіцыянаваць станоўчы спартыўны імідж дзяржавы ў свеце, – сказаў Новікаў.
