Прэзідэнт «Спортынга» хацеў атрымаць ад «Ліверпуля» 20 млн еўра за Амарыма
Галоўны трэнер «Спортынга» Рубэн Амарым не ўзначаліў «Ліверпуль» з-за таго, што прэзідэнт партугальскага клуба падчас фінальнай стадыі перамоваў з «мерсісайдцамі» змяніў умовы выкупу кантракту спецыяліста, паведамляе Caughtoffside са спасылкай на журналіста Bild Крысціяна Фалька.
Паміж «Ліверпулем» і «Спортынгам» была дасягнута дамоўленасць, што трэнер пакіне партугальскую каманду і ўзначаліць клуб АПЛ. У якасці кампенсацыі «Спортынг» павінен быў атрымаць 10 мільёнаў еўра, аб чым было дамоўлена.
Але потым прэзідэнт партугальцаў Фрэдэрыку Варандаш змяніў свае патрабаванні і падняў гэтую суму да 20 мільёнаў еўра. Пасля гэтага кіраўніцтва «Ліверпуля» вырашыла выйсці з перамоваў.
Пад кіраўніцтвам Амарыма «Спортынг» у гэтым сезоне стаў чэмпіёнамі Партугаліі.
Раней стала вядома, што «Ліверпуль» дамовіўся з «Феенаордам», які адпусціць нідэрландскага галоўнага трэнера Арнэ Слота за суму каля 15 мільёнаў еўра. Сам 45-гадовы спецыяліст нядаўна пацвердзіў, што ў наступным годзе будзе працаваць з «Ліверпулем».
Уся кар'ера Амарыма сабрана тут.