Дачка былога трэнера Ла Лігі распавяла, чаму яе бацька забараніў сустракацца з футбалістамі

Калі вас цікавіць Ла Ліга ў дэталях, то варта ўспомніць неардынарнага трэнера Пака Хемеса. Раней ён кіраваў «Рая Вальекана» і «Гранадай». Таксама ў яго кар'еры быў мексіканскі «Крус Асуль».

У той час як Хемес рэзка абараняў трэнера «Малагі», які паказаў свае палавыя органы на камеру, яго дачка расла. 24-гадовая Надзя Хемес заўсёды ва ўсім падтрымлівала бацьку, а вось ён – не.

Надзя стала вядомай публічнай асобай у Іспаніі і мае папулярны профіль у сацсетках: за яе старонкай ў Instagram сочаць 350 тысяч чалавек, яшчэ 295 тысяч – у Tik-Tok. Яна рэгулярна радуе прыхільнікаў здымкамі ў бікіні, відэа з танцамі, папулярнымі музычнымі кліпамі і фотасесіямі. Дзяўчына таксама здымае відэаблогі, дзе паказвае свае паходы па крамах або макіяж.

Таксама Надзя ўмела карыстаецца платформай Twitch. Цяпер у яе крыху больш за 1000 падпіснікаў. Хемес мае намер збудаваць сваю кар'еру. У дзяцінстве яна вырашыла стаць мадэллю, чым раззлавала бацьку. Ужо тады ён бачыў у гэтым велізарную праблему.

Пакуль Хемес трэнаваў мексіканскую каманду, Надзю засыпалі пытаннямі мясцовая прэса. «Спартыўная прэса ў Мексіцы – гэта больш бульварная прэса, – тлумачыла яна. – [Яны] вельмі цікавяцца жыццём футбалістаў і трэнераў. І папрасілі ў бацькі мае фатаграфіі. На прэс-канфэрэнцыях у яго пыталіся што заўгодна».

Дачка вучылася на натарыуса, але ў адной з газет яе прадставілі як Playboy Mexico. Гэта вельмі раззлавала бацьку, і ён паабяцаў звольніць журналістаў, якія гэта напісалі. Дзяўчыне на той момант было ўсяго 17.

Пасля ў інтэрв'ю падкасту La Influencia яна сказала, што бацька загадаў ёй не мець сурʼёзных стасункаў з футбалістамі. Маўляў, з імі лепей проста сябраваць і не пераходзіць мяжу.

«Мой бацька заўсёды казаў мне ніколі не быць з футбалістам», – сказала яна. «Я ніколі не была з футбалістам і ніколі не цалавалася з футбалістам. Ніколі».

У мінулым годзе яна дала інтэрв'ю Mundo Deportivo, дзе ўспомніла вечар, які правяла з былой зоркай «Барселоны» Жэрарам Піке, які, па яе словах, вазіў яе ў сваёй машыне і дэманстраваў «неабдуманае» стаўленне, перавышаў хуткасць і «не звяртаў увагі» на святлафоры.

«Я не лічу сябе абавязанай выказваць яму павагу, таму што ён не паводзіў сябе добра ў адносінах да іншых», – сказала Надзя.

«Ён думаў, што гэта неверагодна крута ігнараваць усе святлафоры. Чаму? Ну, я не ведаю, ён думаў, што гэта апраўдана. Акрамя таго, ён неасцярожна заехаў на стаянку на хуткасці больш за 100 кіламетраў у гадзіну. Ён мяне прынізіў. Я не давяраю яму як чалавеку. Я лічу, што гэта быў першы і апошні раз, калі я яго сустрэла».

Нагадаем, Піке расстаўся з Шакірай пасля 11 гадоў шлюбу. Бацька-Хемес, напэўна, быў задаволены, што ў Надзі з Жэрарам нічога не выйшла