Блінд пакіне «Баварыю» летам. Таксама магчымы продаж Зомера, таму што Тухель лічыць першым нумарам Ноера
24 красавіка 2023, 23:35
Абаронца Дэйлі Блінд летам пакіне «Баварыю», пра гэта паведамляе журналіст Фларыян Плэтэнберг.
З 32-гадовым футбалістам не будуць працягваць кароткатэрміновы кантракт, які ён падпісаў у студзені пасля скасавання пагаднення з «Аяксам». За мюнхенцаў Блінд згуляў 5 матчаў.
Крыніца таксама дадае, што магчымы продаж галкіпера Яна Зомера, які зімой быў набыты ў «Барусіі» Менхенгладбах з-за сур'ёзнай траўмы Мануэля Ноера.
Прычынай таму з'яўляецца пазіцыя галоўнага трэнера Томаса Тухеля, які лічыць першым нумарам менавіта Ноера, калі ён вернецца пасля перыяду аднаўлення.