«Ліверпуль» абвясціў, што Мілнер пяройдзе ў «Брайтан»
14 чэрвеня 2023, 16:46
«Ліверпуль» на афіцыйным сайце паведаміў, што гулец каманды Джэймс Мілнер пасля заканчэння 30 чэрвеня кантракта з клубам стане футбалістам «Брайтана».
Кантракт будзе разлічаны на 1 год з магчымасцю падаўжэння яшчэ на сезон.
37-гадовы ангелец правёў 8 сезонаў у мерсісайдскім клубе, у 2015 годзе яго падпісалі на правах вольнага агента з «Манчэстэр Сіці».
На рахунку футбаліста 26 галоў і 45 асістаў у 332 матчах за «Ліверпуль». Разам з ліверпульскім клубам Мілнер стаў чэмпіёнам Англіі, выйграў Лігу чэмпіёнаў, Суперкубак УЕФА, клубны чэмпіянат свету, Кубак і Суперкубак Англіі, а таксама Кубак англійскай лігі.
Трансфер пацвердзіла і каманда Раберта Дэ Дзербі.