Федэрацыя гімнастыкі Украіны не будзе ўдзельнічаць у Кангрэсе Еўрапейскага саюза праз допуск расіян і беларусаў
Федэрацыя Украіны па гімнастыцы паведаміла, што адмаўляецца ад удзелу ў Кангрэсе Еўрапейскага саюза праз прысутнасць там прадстаўнікоў Расіі і Беларусі.
«Украінская федэрацыя гімнастыка афіцыйна паведамляе, што не будзе ўдзельнічаць у Кангрэсе Еўрапейскага саюза гімнастыкі, які 1-2 снежня адбудзецца ў сталіцы Балгарыі Сафіі. Такое рашэнне УФГ прадыктавана ўдзелам у Кангрэсе прадстаўнікоў краіны-агрэсара Расіі і яе сатэліта – Беларусі.
Адпаведны ліст з вызначэннем сваёй пазіцыі аб недапушчальнасці ўдзелу краіны-агрэсара і яе сатэліта ў спартыўных спаборніцтвах і афіцыйных мерапрыемствах Украінская федэрацыя гімнастыкі накіравала нацыянальным федэрацыям – членам European Gymnastics.
УФГ у дадзеным лісце яшчэ раз адзначыла недапушчальнасць любога супрацоўніцтва са спартыўнымі федэрацыямі, якія ідэнтыфікаваны як саўдзельнікі агрэсіі», – гаворыцца ў заяве.