«Бруклін» адхіліў Ірвінга з-за паста з антысеміцкім фільмам

«Бруклін» апублікаваў заяву пра пост Кайры Ірвінга ў сацыяльных сетках са спасылкай на антысеміцкі фільм.

Баскетбаліст дыскваліфікаваны як мінімум на 5 матчаў.

«Апошнія некалькі дзён мы рабілі неаднаразовыя спробы дастукацца да Кайры Ірвінга, каб дапамагчы яму зразумець, наколькі шкодныя і небяспечныя ягоныя словы і дзеянні, пачынаючы з публікацыі ім спасылкі на фільм, які дэманструе нянавісць да габрэяў.

Мы перакананыя, што ў гэтай складанай сітуацыі было правільна растлумачыць, чаму ён зрабіў няправільна.

І нам здавалася, што разам нам удалося прыйсці да разумення таго, што трэба вынішчаць нянавісць і нецярпімасць.

Сёння мы былі расчараваныя тым, што, атрымаўшы магчымасць выказацца перад журналістамі, Кайры не стаў прама казаць, што ў яго няма антысеміцкіх прадузятасцяў, як і не прызнаў таго, што гэты фільм прапагандуе нянавісць да габрэяў.

Такая магчымасць у яго была не першы раз, але ён зноў ёй не скарыстаўся.

Нежаданне выказацца супраць антысемітызму моцна трывожыць нас, бо ідзе насуперак каштоўнасцям нашага клуба і наносіць шкоду нашай камандзе.

Адпаведна мы лічым, што ў дадзены момант ён не можа асацыявацца з «Бруклінам».

Мы прынялі рашэнне, што Кайры будзе адхілены з вылікам зарплаты, пакуль ён не распачне шэраг дзеянняў, якія б выправілі прычыненую ім шкоду.

Гэтае адхіленне працягнецца не менш за 5 матчаў», – гаворыцца ў заяве «Нетс».

Гулец заявіў, што не хацеў нікога абразіць сваім пастом.

Раней паведамлялася, што Кайры і «Нетс» ахвяруюць па 500 тысяч долараў пасля антысеміцкага паста баскетбаліста.