Джо Байдэн: «Грайнер вернецца ў абдымкі сваіх блізкіх пасля месяцаў несправядлівага зняволення ў Расіі»

Прэзідэнт ЗША Джо Байдэн пракаментаваў абмен амерыканскай баскетбалісткі Брытні Грайнер на міжнароднага гандляра зброяй Віктара Бута.

«Яна ў бяспецы, яна ў самалёце, яна накіроўваецца дадому. Пасля месяцаў несправядлівага зняволення ў Расіі, утрымання ў невыносных умовах, Брытні неўзабаве вернецца ў абдымкі сваіх блізкіх, і яна павінна была быць там увесь час.

Сёння дзень, для якога мы працавалі на працягу доўгага часу. Мы ніколі не спынялі дамагацца яе вызвалення», – сказаў Байдэн.

Нагадаем, што цэнтравая УГМК і зборнай ЗША Грайнер была арыштаваная ў аэрапорце Шарамеццева ў лютым гэтага года за спробу нелегальна завезці ў Расею гашышнае масла.

Суд пакараў яе на 9-гадовы тэрмін у калёніі за кантрабанду наркотыкаў.