Баскетбольны спецыяліст: «Мне здаецца, калі трэнерам «Мінска» стане дворнік, вынік будзе не горшы. У легіянераў сярэдні заробак – 3-4 тысячы долараў»
Баскетбольны спецыяліст у інтэрв'ю Tribuna.com падзяліўся меркаваннем аб адносінах чыноўнікаў да «Мінска».
– У беларускім баскетболе ёсць падзел на «Мінск» і на ўсіх астатніх?
– Безумоўна. Выразна бачна, што «Мінск» знаходзіцца ў сваёй бурбалцы з іншымі грашыма. У мінскі клуб закладваюць вялізны бюджэт, які дазваляе пастаянна займаць першае месца ў чэмпіянаце. І ні ў каго няма цікавасці быць часткай чэмпіянату, дзе ўжо ў перадсезонцы можна ўзнагародзіць залатымі медалямі.
Пры гэтым, мяркуючы па міжнародных выступах, аб развіцці казаць усё роўна не даводзіцца. Мне здаецца, калі трэнерам клуба стане дворнік, вынік будзе не горшы.
– Чаму «Мінск» моцны ў ЧБ і настолькі слабы ў расійскай Лізе ВТБ, дзе выйграў адзін раз у 27 матчах цяперашняга сезону?
– Усё проста – узровень чэмпіянату Беларусі з кожным годам становіцца ўсё горш. Памятаю, быў перыяд, калі «Мінску» трэба было сабраць рэзерв. Клуб пачаў шукаць выканаўцаў па ўсіх камандах з Беларусі. Адпаведна, усе калектывы з ЧБ пазбавіліся тых баскетбалістаў, дзякуючы якім маглі канкурыраваць на ўнутранай арэне.
Каб узяць на іх месца нейкіх легіянераў, у клубаў проста няма грошай. Таму і без таго не наймацнейшыя калектывы ў выніку яшчэ больш слабеюць, улятаюць па некалькіх дзясяткаў ачкоў у чэмпіянаце. Затое «Мінск» сабраў рэзерв, рашыў нейкія свае ўнутраныя задачы.
Дзякуючы гэтаму каманда спакойна перамагае ў ЧБ. Але хіба ад гэтага яна стала мацнейшай? Не. Узровень беларускіх гульцоў, якія папаўняюць і рэзерв, і асноўны калектыў, не адпавядае міжнароднаму ўзроўню, таму што сам «Мінск» забіў канкурэнцыю ў Беларусі, у хлопцаў няма магчымасці развівацца ў слабым чэмпіянаце.
У «Мінску», куды ўліваюцца спонсарскія і дзяржаўныя грошы, у легіянераў сярэдняя зарплата – 3-4 тысячы долараў, у рэзерву – долараў 600-700, – сказаў спецыяліст.
Tribuna.com публікуе каментарыі спікераў, якія знаходзяцца ў Беларусі, ананімна для іх бяспекі.
