Трэнерка «Гарызонта» Трафімава: «Узровень каманд у ЧБ падцягнуўся. І ўжо кожны з кожным мог выйграць, прайграць»
Галоўная трэнерка «Гарызонта» Наталля Трафімава падвяла вынікі гэтага сезона для каманды, якая ў трэці раз запар стала чэмпіёнам Беларусі, а таксама падзялілася меркаваннем пра ўзровень чэмпіянату.
– Я вас віншую адназначна. Ці можна нейкім чынам вылучыць гэты сезон? Ён неяк адрозніваецца ад папярэдняга, які вы таксама выйгралі?
– Гэта быў трэці запар наш фінал, трэцяе запар чэмпіёнства. Канешне, адрозніваецца. Узровень каманд падцягнуўся. І ўжо кожны з кожным мог выйграць, прайграць. Гэта пацвердзілася і ў рэгулярным сезоне, дзе мы дзве паразы… Адно ад «Мінска» і другое ад «Алімпіі». Любую паразу трэба разглядаць як крок наперад, а не крок назад. Мы ў гэтым сезоне пачалі з таго, што пяць чалавек – практычна першая пяцёрка ў нас цалкам сышла.
– Абнаўленне складу, амаладжэнне. Так?
– І амаладжэнне, і абнаўленне, так, як заўгодна. Прыйшло больш маладых гульцоў. Жадаю пахваліць таксама сваіх супернікаў.
– Тую ж самую «Алімпію».
– Яны падцягнуліся. Гэта маладая каманда, якая практычна цалкам складаецца з маладых гульцоў. І яны з кожным годам становяцца лепшымі, мацнейшымі.
– Цікавей стала?
– Так.
– Ты чакала, што пяць чалавек сыдзе?
– Вядома, непрыемная навіна. Але гэта спорт, усё можа адбывацца.
– Гэта значыць, гэта было прагназуема?
– Я не скажу, што мы сядзелі: пяць у нас сыдзе. Было зразумела, што нейкія перастаноўкі будуць.
– Лёгка замяніла?
– Былі нейкія ў нас праблемы ў міжсезонне, размовы, запрашалі, хацелі пакінуць. У прынцыпе, усё, што мы намецілі ў міжсезонне, у нас атрымалася. Мы ўзялі тых, каго хацелі, пакінулі тых, каго хацелі. І я спадзяюся, што дзяўчынкі не пашкадавалі, што правялі гэты сезон з намі. Для мяне вельмі важнае пытанне ў іншым. Я хачу бачыць, я хачу ведаць, што яны таксама робяць крок наперад, – распавяла Трафімава.