Nike падала ў суд на New Balance і Skechers

Амерыканскі вытворца спартовага адзення Nike падаў у суд на кампаніі New Balance і Skechers. Кампанія Nike абвінаваціла New Balance і Skechers у парушэнні правоў інтэлектуальнай уласнасці на запатэнтаваную тэхналогію вытворчасці верхняй часткі красовак. У матэрыялах справы сцвярджаецца, што Skechers і New Balance без дазволу праваўладальніка выкарыстоўвалі тэхналогію Flyknit для стварэння абутку для бегу, футбола і баскетбола. Прадстаўнікі Nike патрабуюць фінансавай кампенсацыі ўрону, а таксама прыняцця мер, якія ў далейшым не дазволяць New Balance і Skechers парушаць патэнтнае заканадаўства. Абвінавачанні кампаніі датычацца красовак New Balance з лінеек Fresh Foam і FuelCell, а таксама мадэляў Ultra Flex і Glide Step вытворчасці Skechers. Skechers зайшлі на баскетбольны рынак, падпісаўшы кантракты з гульцамі НБА Джоэлам Эмбіідам, Джуліусам Рэндлам і Тэрэнсам Мэнам. У New Balance ёсць пагадненні з Каваем Леанардам, Закам Лавінам і Тайрызам Максі.