Галоўны трэнер зборнай Беларусі Альварада: «Мэта была выйсці з групы, таму радуемся 4-му месцу на ЧС»

– Прайшло паўтары тыдні з моманту, як мы скончылі выступ на чэмпіянаце свету. Насамрэч я лічу, што нам трэба быць задаволенымі чацвёртым месцам на мундыяле. Мы здолелі прадэманстраваць, што зборная Беларусі магутная, што каманда можа дасягаць поспехаў і надзейная ў сваіх дзеяннях, што дружына можа выконваць задачы.

Першапачаткова казалі, што мэта – выйсці з групы, а далей рухацца крок за крокам. Таму радуемся чацвёртаму месцу, але разумеем, што ў будучыні павінны рабіць больш. Выхад у фінал быў марай, яна практычна была ў нас у руках. Цяпер будзем думаць, што трэба, каб дасягаць яшчэ большых поспехаў.

Безумоўна, наш поспех – гэта вынік працы не тыдня і нават не месяца. Гэты праект пачаўся больш за шэсць гадоў таму. Крок за крокам мы дасягалі мэт, якія самі сабе ставілі. Мы стварылі ідэнтычнасць каманды, свой уласны стыль, гульцы станавіліся больш сталымі і дасведчанымі з кожным годам. Калі мы пачыналі, некаторыя з іх былі зусім юныя. Цяпер у ростэры ўсе вялікія прафесіяналы. Такі ўзровень неабходны для дасягнення задач.

З гэтага часу мы – чацвёртыя на планеце. Нашы вынікі – гэта сапраўды фантастыка. Але мая ідэя, планы Федэрацыі – гэта працягваць развіваць від спорту, трэніравацца і прагрэсаваць, – сказаў Альварада.