Все новости

Расійская нявеста Вараб’я Шнэйдэр будзе выступаць за Беларусь

14 траўня, 14:00

Расійская біятланістка Ксенія Шнэйдэр стане выступаць за зборную Беларусі з наступнага сезону. Пра гэта паведаміў Максім Кугаеўскі, трэнер зборнай Цюменскай вобласці, за якую выступала Шнэйдэр.

24-гадовая расіянка – нявеста беларускага біятланіста Максіма Вараб'я.

– Вядома, для нас гэта вялікая страта. Мы разлічвалі, што яшчэ сезон да атрымання грамадзянства Ксенія будзе выступаць за Цюмень і толькі потым пяройдзе ў каманду сяброўскай краіны.

Але пасля сустрэчы Ксеніі і Максіма з прэзідэнтам Федэрацыі біятлона Беларусі Андрыянам Цыбульскім маладымі людзьмі было прынята рашэнне па тэрміновым пераходзе.

З Андрыянам мы блізка знаёмыя шмат гадоў, учора правялі з ім перамовы і было прынята рашэнне адпусціць Ксенію з каманды Цюменскай вобласці без папярэдніх умоў і кампенсацыі. Але ў надзеі на супрацоўніцтва, – распавёў Кугаеўскі.