Дзень славы беларускага біятлона? Толькі паглядзіце, што адбывалася 11 лютага ў розныя гады
Гэта нават круцей за Спартакіяду ў Расіі.
У беларускага біятлона ёсць дата, якую можна назваць святочнай. А можна назваць яе і днём беларускага біятлону – столькі прыемных успамінаў з гэтым днём звязана. 11 лютага – і трэба толькі падабраць правільны год, каб згадаць вялікія поспехі.
11 лютага 1993 года
Узнагарода: бронзавы медаль у індывідуальнай гонцы на чэмпіянаце свету у Балгарыі
Хто выйграў: Святлана Парамыгіна
Дзе цяпер: у апошнія гады Парамыгіна не выходзіць на сувязь з калегамі і не адказвае на паведамленні ў месенджарах.
11 лютага 1996 года
Узнагарода: бронзавы медаль у эстафеце на чэмпіянаце свету ў Рупольдынгу
Хто выйграў: Аляксей Айдараў, Алег Рыжанкоў, Вадзім Сашурын, Аляксандр Папоў
Дзе цяпер: некалькі гадоў таму Айдараў звольніўся з «Раўбічаў» і, паводле апошняй інфармацыі, нідзе не працуе, Рыжанкоў займае пасаду галоўнага трэнера зборнай Беларусі па біятлоне, Сашурын працуе трэнерам па фізпадрыхтоўцы ў гандбольным СКА, Папоў трэнуе зборную Манголіі.
11 лютага 1998 года
Узнагарода: бронзавы медаль у індывідуальнай гонцы на Алімпіядзе-1998 (Нагана)
Хто выйграў: Аляксей Айдараў
Фота: Айдараў справа. Яго апярэдзілі толькі італьянец Пьеральберта Карара (другі) і Халвар Ханэволд (чэмпіён).
11 лютага 2001 года
Узнагарода: срэбны медаль у эстафеце на чэмпіянаце свету ў Паклюцы
Хто выйграў: Аляксей Айдараў, Аляксандар Сыман, Алег Рыжанкоў, Вадзім Сашурын
Дзе сёння: Сыман працуе ў «КДБ» Лукашэнкi.
11 лютага 2005 года
Узнагарода: бронзавы медаль у спрынце на КС у італьянскай Чэзана Сан-Сікарыа
Хто выйграў: Аляксандр Сыман
То быў адзін з рэдкіх медалёў Сымана ў асабістых стартах.
11 лютага 2012 года
Узнагарода: бронзавы медаль у спрынце на КС у Кантыялахці
Хто выйграў: Дар'я Домрачава
Дзе цяпер: 17 ліпеня ў Домрачавай нарадзілася другая дачка. Жыве ў Мінску.
11 лютага 2014 года
Узнагарода: залаты медаль у гонцы праследавання на Алімпіядзе-2014 (Сочы)
Хто выйграў: Дар'я Домрачава
То быў адзін з трох залатых медалёў прадстаўніцы Беларусі на тых Гульнях.
***
Натуральна, здараліся біятлонныя поспехі і ў іншыя дні. Напрыклад, 14 лютага. Медалёў у гэты дзень было меней, але ўсё роўна прыемна згадаць.
14 лютага 1999 года
Узнагарода: залаты медаль у эстафеце на чэмпіянате свету ў Кантыялахці
Хто выйграў: Пётр Івашка, Аляксей Айдараў, Вадзім Сашурын, Алег Рыжанкоў
Дзе цяпер: Івашка працуе трэнерам пры РЦАП «Раўбічы»
14 лютага 2014 года
Узнагарода: залаты і бронзавы медалі ў індывідуальнай гонцы на Алімпіядзе-2014 у Сочы
Хто выйграў: Дар'я Домрачава і Надзея Скардзіна
Дзе цяпер: Скардзіна жыве ў Швейцарыі. Трэнуе дзяцей у адным з мясцовых клубаў. Выхоўвае сына.
Адзначым, што з усіх вышэйпералічаных спартсменаў подпіс за дыктатуру пакінуў толькі Алег Рыжанкоў.