«Мова — Музыка — Футбол»!
Федэрацыя футбола Беларусі і культурная пляцоўка «Арт Сядзіба» абвяшчаюць творчы конкурс «Мова — Музыка — Футбол».
Федэрацыя футбола Беларусі і культурная пляцоўка «Арт Сядзіба» абвяшчаюць творчы конкурс «Мова — Музыка — Футбол».
Любіш футбол, падтрымліваеш зборную, жадаеш новых перамог Белакрылым?
Любіш музыку, граеш на гітары, пішаш песні, спяваеш ці нават маеш уласны гурт?
Любіш мову і хочаш, каб яна гучала часцей і гучней, а песню па-беларуску заспяваў увесь стадыён?
Тады праект «Мова — Музыка — Футбол» для цябе!
Мы не абмяжоўваем удзельнікаў конкурсу ў музычных стылях і фарматах. Поўная свабода творчасці і праяўлення музычна-паэтычных талентаў. Усё, што аб’ядноўвае беларускую мову, беларускі футбол і беларускую музыку: спачатку збіраем, затым слухаем і спяваем разам!
Праект доўжыцца да вясны 2017 году і складзецца з шасці этапаў.
Першы і асноўны этап — гэта музычны конкурс, на які да 1 снежня прымаюцца песні на беларускай мове адпаведна тэмам:
— футбол і заўзятарства ў самым шырокім сэнсе, актыўная падтрымка беларускай зборнай, клубных камандаў і наведванне фубольных матчаў, — патрыятызм і любоў да Беларусі, гонар за яе спартыўныя дасягненні, — спалучэнне беларускай мовы і спорту.
Наступныя этапы:
— запіс песень-фіналістаў на прафесійнай студыі;
— вызначэнне пераможцаў адмысловым складам журы, слухачамі ў сацыяльных сетках і на сайтах інфармацыйных партнёраў, на адборачных канцэртах у «Грай» кафэ;
— падрыхтоўка і выданне дыска-складанкі, здымкі кліпа;
— музычны фестываль з удзелам пераможцаў і фіналістаў конкурсу, прэзентацыяй песень і дыска, узнагароджваннем пераможцаў;
— распаўсюд песень у інтэрнэце, на радыё, у межах спартовых і культурных мерапрыемстваў Беларускай федэрацыі футбола і культурнай пляцоўкі «Арт Сядзіба».
Беларускамоўныя песні на конкурс з пазнакаю «Мова – Музыка – Футбол» прымаюцца ў фарматах аўдыё і відэа да 1 снежня на e-mail: у трох варыянтах:
— гатовыя студыйныя запісы (якасна запісаныя песні, што не патрабуюць перазапісу і дадатковай працы, якія раней публікаваліся ці не);
— дэма-запісы (часткова гатовыя запісы, якія патрабуюць дадатковай студыйнай працы); — чарнавікі (песні запісаныя ў хатніх умовах ці на рэпетыцыі, канцэртныя запісы, відэа-запісы з выкананнем песні).
Абавязкова пазначайце ў заяўцы разам з творам:
— назву выканаўцы ці гурта і кароткую інфармацыю пра іх,
— назву твора,
— імя аўтара і кампазітара,
— спасылкі на старонкі ў сацыяльных сетках,
— кантактныя дадзеныя (тэлефон, e-mail).
Пасля прыёму песень адбудзецца галасаванне, адбор фіналістаў і вызначэнне пераможцаў з выбываннем у некалькі этапаў: чвэрцьфіналы, паўфіналы і фінал. Балы будуць вылічвацца з улікам меркавання журы, вынікаў галасавання ў сацыяльных сетках, на адмысловых канцэртаў у «Грай» кафэ і на сайтах АБФФ, «Арт Сядзібы» ды інфармацыйных партнёраў.
Журы конкурсу будзе абвешчана ў блiжэйшы час.
Па выніках будуць вызначаныя тры пераможцы:
1 месца — здымкі кліпа, студыйны запіс песні, выступленне на фінальным канцэрце праекту і на «Барысаў-Арэне» ў рамках аднаго з матчаў нацыянальнай зборнай Беларусі, ратацыя песні на радыё, футбольны мяч з аўтографамі зборнай,
2 месца — студыйны запіс, выступленне на фінальным канцэрце праекту і на «Барысаў-Арэне» ў рамках аднаго з матчаў нацыянальнай зборнай Беларусі, ратацыя песні на радыё,
3 месца — студыйны запіс, прафесійны вакальны мікрафон, выступленне на фінальным канцэрце праекту.
Таксама будуць вызначаныя пераможцы ў дадатковых намінацыях «Глядацкія сімпатыі», «Лідары сацыяльных сетак», «Выбар генеральнага спонсара», «Песня стадыёна», «Выбар Белакрылых».
Гэтыя пераможцы атрымаюць падарункі ад арганізатараў і партнёраў конкурсу: абанементы на хатнія гульні нацыянальнай футбольнай зборнай, атрыбутыку зборнай (майкі, рэплікі, шалікі), сувеніры і іншыя памятныя падарункі.
Усе ўдзельнікі конкурсу атрымаюць запрашальнікі на фінальны фестываль і музычны дыск «Мова – Музыка – Футбол» ад кампаніі «Планета Вігма» з творамі ўдзельнікаў конкурсу, а таксама песнямі, напісанымі раней у Беларусі, пра футбол і для футбола.
Падзеі ў сацыяльных сетках:
Партнёры конкурсу:
— студыя гуказапісу «Bah Records» (http://bahrecords.by/), куды вы можаце звярнуцца і з 50% зніжкай запісаць і падрыхтаваць вашу песню на конкурс. На гэтай студыі будуць запісаныя і зведзеныя песні ўсіх фіналістаў конкурсу;
— кампанія «Хороший звук» (http://gsound.by/) займаецца тэхнічным забеспячэннем мерапрыемстваў любога ўзроўню. Гэтая кампанія забяспечыць патрэбным гукавым і сцэнічным абсталяваннем фінальны канцэрт праекту;
— «Грай» кафэ беларускай кухні (https://www.facebook.com/kafegray/) ў Мінску на Інтэрнацыянальнай, 33 стане пляцоўкай для правядзення прэзентацый і канцэртаў у межах праекту;
— кампанія «Планета Вігма» (http://www.vigma.by/) займаецца вытворчасцю кампакт-дыскаў у Беларусі і забяспечыць выданне ды распаўсюд фінальнага альбому з песнямі пераможцаў і удзельнікаў праекту;
— кампанія «Symbal.by» (https://symbal.by/) займаецца вытворчасцю і продажам рэчаў ды сувеніраў у беларускім стылі. У межах праекту забяспечыць выраб прома-прадукцыі і падарункаў для пераможцаў конкурсу;
— беларускі кліпмейкер, дакументаліст Арцём Лобач (https://www.facebook.com/artem.lobach.9), аўтар кліпаў гуртоў J:морс, Akute, Vinsent, Hurma, Vuraj, The Toobes. Ён здыме прафесійны аўтарскі кліп пераможцу конкурсу.
Інфармацыйныя партнёры конкурсу: tut.by, pressball.by, kp.by, euroradio.fm, nn.by.