Старшыня Беларускай федэрацыі бокса Бацвiннiк: «Мы выйшлі з санкцый. З наступнага года пачынаюцца ліцэнзійныя турніры для адбору на Алімпіяду»
Старшыня Беларускай федэрацыі бокса Аляксандр Батвіннік заявіў, што беларускія баксёры рыхтуюцца да чэмпіянату свету і адбору на Алімпіяду-2024 пасля таго, як Міжнародная асацыяцыя бокса адмяніла санкцыі.
«Мы выйшлі з санкцый, ужо актыўна рыхтуемся да чэмпіянату свету. З наступнага года пачынаюцца ліцэнзійныя турніры для адбору на Алімпіяду, на першы збор спартсмены ўжо паехалі», – сказаў Батвіннік.
Адзначым, што зняцце санкцый IBA не паўплывае на допуск беларускіх спартсменаў да кваліфікацыі. Асацыяцыя не будзе праводзіць адбор да Алімпіяды-2024. МАК змяніў працэс кваліфікацыі на Алімпіяду ў Парыжы.
Адборачным турнірам стануць Еўрапейскія гульні, якія пройдуць у Кракаве ў 2023, куды беларускіх атлетаў не дапусцяць. Іншыя кваліфікацыйныя турніры адбудуцца ў 2024 годзе. Беларускія баксёры змогуць прыняць у іх удзел толькі ў выпадку змякчэння ці адмененыя санкцыі МАК.
⚽️ Чэмпіянат свету-2022 па-беларуску і без VPN! Пампуй дадатак Tribuna.com
