Спартдыр «Арэнбурга» Андрэеў: «Капленка ўсё-такi не дачакаўся выклiку Расii, таму паедзе гуляць за Беларусь»
Спартыўны дырэктар «Арэнбурга» Дзмiтрый Андрэеў падзяліўся меркаваннем пра выклік у зборную Беларусі Кірыла Капленкі, які нарадзіўся і вырас у нашай краіне, але пазней атрымаў расійскае грамадзянства і адмовіўся выступаць за беларускія каманды.
«Кірыл атрымаў свой першы выклік. Ён усё-такi не дачакаўся выкліку ў зборную Расіі, таму паедзе гуляць за Беларусь. У [форварда «Арэнбурга» Уладзіміра] Сычовага «цярпелка» аказалася даўжэйшай. Калі Сыча віншавалі з уключэннем у пашыраны склад зборнай [Расіі на бліжэйшыя матчы], кажу: «Капля, можа быць, яшчэ пацерпіш крыху?». Ён столькі чакаў...
Да беларусаў адпусцілі з умовай, што будзе там капітанам і дадуць гуляць па 90 хвілін! А калі без жартаў, то гэта таксама нядрэнна. Усё-такі міжнародны вопыт нікому не нашкодзіць – ні яму, ні нам унутры каманды. Няхай хлопец развіваецца. «Арэнбург» становіцца стартавай пляцоўкай для гульцоў з розных зборных», – сказаў ён.
