Хаві: «Я не ведаю, ці быў справядлівы з Піке, але сапраўды быў шчырым і сумленным»
Галоўны трэнер «Барселоны» Хаві пракаментаваў рашэнне абаронцы клуба Жэрара Піке завяршыць кар'еру.
«Заўтрашняя гульня будзе асаблівай пасля заявы Піке, мы хочам выйграць яе дзеля яго. Я перажыў тое самае, што і ён, калі адыходзіў. Піке – легенда клуба.
Я размаўляў з ім улетку і сказаў яму, што падтрымаю любое рашэнне. Я не ведаю, ці быў з ім справядлівы, але я сапраўды быў шчырым і сумленным. Ён ніколі не дэманстраваў сваёй незадаволенасці, наадварот, трэніраваўся на 100%.
Мне даводзілася прымаць рашэнні дзеля каманды, не заўсёды яны былі прыемнымі. Яму было цяжка, бо ён прафесіянал. Выдатны чалавек і лідар, вельмі разумны і добры футбаліст.
Гэта футбол, я таксама часам настальгую па старых часах, але яны падахвочваюць мяне ствараць яшчэ лепшае пакаленне гульцоў у будучыні. Гэта закон жыцця і гэта адбываецца з усімі намі.
Будзем шукаць цэнтральнага абаронцы ў студзені, гэта будзе нашым прыярытэтам з-за сыходу Піке», – сказаў Хаві.