Драган Стойкавіч: «Сербія – маленькая краіна. Прайграць Бразіліі – не ганьба»
Галоўны трэнер зборнай Сербіі Драган Стойкавіч пракаментаваў паражэнне ад Бразіліі (0:2) у 1-м туры ЧС-2022.
– Вядома, мы ведаем Бразілію, але мы прыехалі ў Катар са шматлікімі праблемамі, траўмамі не ў той час, у ключавых гульцоў. І вы можаце бачыць гэта на полі, як і мы. Гэта занадта для нас. Мы не Бразілія з 200 мільёнамі жыхароў. Мы – маленькая краіна.
Мы далі занадта шмат прасторы бразільцам, і нашы гульцы былі стомленымі. Я павінен зразумець чаму, таму што зараз не разумею. У першым тайме мы вялі сваю гульню, свой матч. Не ў другім. Мы павінны падрыхтавацца, каб стаць значна лепей.
Са здаровымі футбалістамі мы маглі б атрымаць іншы сцэнар гульні ў гэты вечар. Але прайграць Бразіліі – не ганьба.
– Вы лічыце Бразілію фаварытам ЧС?
– Адным з фаварытаў, – сказаў Стойкавіч.
