Ісаеў пра Шкурына: «Прапановы з Расіі паступаюць, але Ілля хоча дагуляць чэмпіянат у «Макабі Пэтах-Тыква» і потым прымаць рашэнне»

Агент беларускага нападаючага Іллі Шкурына Валерый Ісаеў распавёў пра цікавасць да форварда з боку расійскіх клубаў, а таксама пра будучыню беларуса, які на дадзены момант выступае за «Макабі Пэтах-Тыква» з Д2 Ізраіля.

«Цяпер Ілля гуляе, забівае і гэта асноўнае. Кантракт з «Макабі» дзейнічае да заканчэння другога круга. Прапановы з Расіі як паступалі, так і паступаюць, але Ілля хоча дайграць чэмпіянат у гэтай камандзе і потым прымаць рашэнне», – прыводзіць словы Ісаева «РБ Спорт».

Нагадаем, што ў «Макабі» Шкурын на правах арэнды, а правы на гульца належаць маскоўскаму ЦСКА, з якім у беларуса кантракт да лета 2024 года.

За ізраільскі клуб Шкурын згуляў 11 матчаў, у якіх вызначыўся 8 галамі.

⚽️ Чэмпіянат свету-2022 па-беларуску і без VPN! Пампуй дадатак Tribuna.com