Свірэпа пра праект «Энергетыка-БДУ»: «З кожным маладым гульцом трэба займацца асобна. Юрэвіч працуе пад стыль гульні футбаліста»
Экс-капітан «Энергетыка-БДУ» Аляксандр Свірэпа распавёў аб тым, як будуецца праект клуба.
– Калі шэсць гадоў таму вы пераходзілі ў «Энергетык-БДУ», што ён з сябе ўяўляў?
– Я спачатку гуляў у юнацкім першынстве, потым трапіў у аснову. Потым у структуру прыйшоў Анатоль Іванавіч Юрэвіч. Ён бачыў ува мне патэнцыял, і калі я пераважна граў на ліцэнзіі, падпускаў паступова да асновы. Я праяўляў сябе ўсё лепш і лепш, замацаваўся ў дублі, потым пачаў праходзіць у асноўны склад.
– Праект «Энергетык-БДУ» – унікальны для Беларусі. Што з яго могуць запазычыць нашы гранды?
– Падрыхтоўку маладых футбалістаў. У клубе растуць нават хлопцы, якія не патрэбны былі іншым камандам, але менавіта тут могуць раскрыць свой патэнцыял. З кожным маладым іграком трэба займацца асобна і бачыць наперад, як Анатоль Іванавіч Юрэвіч. Ён разумее, што можна зрабіць з хлопца, якім ён можа стаць у будучыні. І працуе з ім пад яго стыль гульні.
– Груба кажучы, Юрэвіч важдаецца з футбалістамі.
– Так, і такім чынам раскрывае іх. Прапануе практыкаванні, якія нівеліруюць гульнявыя недахопы, каб навучэнец пасля станавіўся яркім футбалістам, – распавёў Свірэпа.
