Хаві – пра перамогу над «Атлетыка»: «Тры залатых ачка. Мы пакутавалі, але былі камандай і сям“ёй»

Галоўны трэнер «Барселоны» Хаві пракаментаваў перамогу над «Атлетыка» ў 16-м туры Ла Лігі.

«Мы кантралявалі ход гульні. Гэта тры залатых ачка. Яны ціснулі на нас, але мы змаглі вытрываць і захаваць вароты на замку. Вось што такое спорт – сёння мы не паказалі добрую гульню, але атрымалі тры ачка.

Гэта не звычайныя тры ачка, таму што яны надаюць вялізны баявы дух і ўпэўненасць. Мы цярпелі, але былі камандай і сям'ёй. Мы не гулялі ідэальна ў папярэдніх матчах з «Эспаньёлам» і «Інтэрсіці», але зараз мы ўзначальваем турнірную табліцу і прэтэндуем на чэмпіёнства.

Пры змене гульнявой сістэмы гулец пачуваецца не надта камфортна. Сёння мы згулялі па тактычнай схеме 3-4-3, каб было зручней. Я спадзяваўся, што гэта дазволіць нам больш валодаць мячом, але «Атлетыка» прэсінгаваў нас. Сёння мы атрымалі важную перамогу без Роберта Левандоўскага, які для нас з'яўляецца сістэмаўтваральным гульцом», – сказаў Хаві.

Наступны матч «Барселона» правядзе ў чацвер, 12 студзеня. Гэта будзе гульня супраць «Беціса» у рамках паўфіналу Суперкубка Іспаніі.