«ПСЖ» правядзе таварыскі матч з камандай, сабранай з гульцоў «Аль-Хілаля» і «Аль-Насра». Месі можа згуляць супраць Раналду

«ПСЖ» аб'явіў пра правядзенне таварыскага матча ў Саудаўскай Аравіі.

Як паведамляе афіцыйны сайт клуба, сапернікам парыжан будзе каманда, сабраная з двух мясцовых клубаў – «Аль-Хілаль» і «Аль-Наср». За «Аль-Наср» выступае Крышціяну Раналду, у якога, такім чынам, будзе шанец зноў згуляць супраць Ліянеля Месі.

Гульня адбудзецца 19 студзеня ў Эр-Рыядзе на міжнародным стадыёне імя Караля Фахда.