Юрый Казлоў: «У «Дняпры» са мной не разлічыліся па даўгах. Сума прыстойная. Цяльпука з тых часоў не бачыў»
Паўабаронца «Нафтана» Юрый Казлоў прыгадаў выступы за «Дняпро».
Футбаліст выступаў за «Прамень» з 2014 года. У 2019-м каманда аб'ядналася з магілёўскім «Дняпром» і выступала ў вышэйшай лізе чэмпіянату Беларусі. Потым клуб спыніў сваё існаванне.
– Як глядзіце на сітуацыю, якая склалася ў 2019-м з аб'яднаннем «Праменя» і магілёўскага «Дняпра» і наступнай ліквідацыяй клуба?
– Вельмі шкада «Прамень». Я быў у гэтай камандзе з моманту яе ўтварэння і прайшоў з ёй да канчатковага пункта. Той пераезд у Магілёў не здаваўся чымсьці незвычайным. Але на справе гісторыя атрымалася зусім ганебнай. Крыўдна, бо якая-ніякая гісторыя ў «Праменя» ужо была. Па прыступках рухаліся наперад, перамогшы ў другой і першай лігах. Ездзілі выступаць на Кубак рэгіёнаў. Як не прыкіпець да такой каманды? А зліццё з «Дняпром», па сутнасці, жыццё «Праменя» і абарвала. Хаця, паўтаруся, ніхто не думаў, што «Дняпро» праіснуе толькі год.
– Шкадуеце?
– Што было, тое прайшло. Так, тады эмоцый было шмат, негатыў перапаўняў. Але жыццё працягнулася.
– Па даўгах «Дняпро» з вамі разлічыўся?
– Са мной – не. Колькі? Сума прыстойная.
– З тых часоў Уладзіміра Цяльпука (інвестар «Праменя» – Tribuna.com) вы не бачылі?
– Не, – сказаў Казлоў.