Прадстаўнікі «Чэлсі» прыбылі ў Польшчу, каб перахапіць Мудрыка ў «Арсенала»
«Чэлсі» не пакідае спробаў падпісаць паўабаронцу данецкага «Шахцёра» Міхаіла Мудрыка, паведаміў журналіст Фабрыцыа Рамана.
Па ягоных дадзеных, прадстаўнікі клуба прыбылі ў Польшчу, каб дамовіцца аб пераходзе гульца ў надзеі апярэдзіць «Арсенал», які збіраўся падпісаць Міхаіла.
Таксама пазначана, што афіцыйная прапанова блізкая да 100 мільёнаў еўра, якія хацеў атрымаць «Шахцёр» за гульца.
«Чэлсі» спрабуе дамовіцца з «Шахцёрам». «Арсенал» да гэтага быў галоўным прэтэндэнтам на гульца і вёў перамовы з украінскім клубам пасля трэцяй афіцыйнай прапановы.
Таксама Рамана ўказаў, што ключавую ролю адыгрывае пазіцыя Мудрыка. Раней паведамлялася, што ён хоча перайсці менавіта ў «Арсенал», а не ў Чэлсі.
Раней была інфармацыя, што «Шахцёр» і «Арсенал» у бліжэйшыя гадзіны абмяркуюць бонусы ў прапанове 70 25 млн еўра за Мудрыка.
21-гадовы футбаліст у бягучым сезоне правёў 18 матчаў за «Шахцёр», забіў 10 галоў і аддаў 8 дзейсных перадач. Раней паведамлялася, што ён узгадніў умовы кантракту з «Арсеналам».
