Зяленскі ўвёў санкцыі супраць «Беларуськалія», БЧ і «Белгазпрамбанка». Прадпрыемствы з'яўляюцца спонсарамі і партнёрамі ФК «Шахцёр», БК «Мінск» і ГК «Мяшкоў Брэст»
Прэзідэнт Украіны Уладзімір Зяленскі рэалізаваў рашэнне Савета нацыянальнай бяспекі і абароны Украіны аб увядзенні санкцый супраць 185 юрыдычных і фізічных асоб, якія Расія выкарыстоўвае для перавозу па чыгунцы асабовага складу і ваеннай тэхнікі.
У спіс таксама патрапіў шэраг беларускіх кампаній.
Сярод іх:
- «Беларуськалій», які з'яўляецца спонсарам футбольнага, хакейнага і валейбольнага «Шахцёра», хакейнага мінскага «Дынама», Беларускай федэрацыі хакея і Беларускай федэрацыі біятлона.
- Беларуская чыгунка, якая з'яўляецца партнёрам баскетбольнага клуба «Мінск» і Беларускай федэрацыі гандбола.
- «Белгазпрамбанка» з'яўляецца партнёрам гандбольнага клуба «Мяшкоў Брэст» з 2009 года.
Акрамя таго, у спісе таксама ёсць Гомельскі хімічны завод, «Белінтэртранс», ТАА «Грузавая служба-Захад», лідская «Лакафарба», ЗТАА «Кронаспан ОСБ», экспартна-вытворчае рэспубліканскае унітарнае прадпрыемства «Беллесэкспарт» і іншыя.
Актывы названых у спісе прадпрыемстваў будуць блакавацца ва Украіне, а даступная маёмасць будзе выкарыстоўвацца для абароны Украіны. Пра гэта паведаміў Зяленскі ў сваім звароце.