Вергеенка адкрые чэмпіянат Беларусі-2023, Базанаў – у Афрыцы на кангрэсе ФІФА (Іваноў)
Намеснік старшыні АБФФ Міхаіл Вергеенка адкрые чэмпіянат Беларусі-2023.
Матч першага тура пройдзе на стадыёне ФК «Мінск», дзе аднайменная каманда прыме «Славію».
Як паведамляе журналіст Мікалай Іваноў, кіраўнік АБФФ Уладзімір Базанаў у Руандзе, дзе напярэдадні праходзіў кангрэс ФІФА. Нагадаем, 16 сакавіка на кангрэсе ФІФА Джані Інфантына пераабралі на пасаду прэзідэнта арганізацыі на тэрмін з 2023 па 2027 год. Там жа пасля галасавання працягнулі прыпыненне сяброўства Федэрацыі футбола Зімбабвэ, а таксама прыпынілі сяброўства Федэрацыі футбола Шры-Ланкі.
– Рэдка бывае, каб не кіраўнік федэрацыі адкрываў чэмпіянат. Калі не памыляюся, перш здаралася аднойчы – у 1992-м, калі праводзілі самы-самы першы матч.
Тагачасны бос Яўген Шунтoў, што я вычытаў у старым «Прэсболе», не выстаяў ад спакусы аплачанага заходняга ваяжу і раптоўна адбыў у дружалюбную Партугалію ў якасці кіраўніка дэлегацыі юнацкай зборнай СНД, – напісаў Іваноў.
