Вадзім Скрыпчанка: «Перад матчам з «Іслаччу» сказаў: «Мы пачынаем шлях»

Галоўны трэнер мінскага «Дынама» Вадзім Скрыпчанка падзяліўся меркаваннем аб матчы з «Іслаччу» (3:0).

– Мы прадэманстравалі добры рух. На працягу ўсёй гульні адчуваў запал. Перад гульнёй сказаў рабятам: «Мы пачынаем шлях». Так, было перадстартавае хваляванне, яно адчувалася. Ну, я нейкім чынам пастараўся каманду супакоіць, пагасіць, так скажам, перадстартавы запал. Бо, я бачыў, быў добры тыдзень падрыхтоўкі.

Што тычыцца таго, што было на полі, было дастаткова шмат рызыкі для дастаўкі мяча да варот саперніка і абвастрэння сітуацыі.

Важна, што мы не гублялі запал на працягу ўсёй гульні. Мы трымалі саперніка ў напружанні на працягу ўсяго матча. І гэта, і моманты, якія мы яшчэ мелі (Бакіч і Хвашчынскі прамахнуліся з выгадных сітуацый) дазвалялі нам кантраляваць сітуацыю.

У любым выпадку хачу падзякаваць хлопцам за сённяшні матч і за той настрой, які яны прадэманстравалі сёння. Хаця трэба аддаць належнае саперніку: ён не змірыўся нават пры ліку 2:0, спрабаваў шукаць свае моманты, таму прыйшлося даволі цяжка.

– У вас сёння ў цэнтры абароны гулялі Бягуноў і Паліцевіч…

– Я ж казаў, што ў нас добрая канкурэнцыя ў лініі абароны. Рома – універсальны футбаліст, ён можа згуляць і злева, і справа, і ў цэнтры абароны. Мы зрабілі сёння такі выбар, і не памыліліся. Пакуль спрацавалі добра…

– У вас сёння ў складзе было трое гульцоў 2002 года нараджэння ...

– Давайце я адразу адкажу: мы сёння не звяртаем увагі на гэты ліміт. І тое, што сёння ў нас было трое маладых гульцоў, гэта ні пра што не гаворыць. Гэта значыць, што яны заслужылі гэтае права, незалежна ад ліміту.

– Ваш візаві сказаў, што саперніку напэўна дапамог спарынг з «Іслаччу». Дапамог?

– Думаю так. Мы пастараліся зрабіць яго як мага больш інфарматыўным. Я ўжо казаў, што нам павезла, таму што мы гулялі ў міжсезонне.

Але разам з тым была трывога, таму што два апошнія матчы «Іслач» правяла ў сябе на базе, і пра гэтыя матчы не было ўвогуле ніякай інфармацыі. Але ў любым выпадку мы былі гатовы: як вы бачылі, сапернік пачаў матч у адной схеме, але яшчэ да перапынку перабудаваўся. І калі мы пры гэтым дабіліся выніку, значыць, каманда спрацавала правільна, – сказаў Скрыпчанка.