Молаш пра перамогу над «Смаргонню»: «У чарговы раз каманда паказала, што характар ёсць. Важна разумець, што наш чэмпіянат вельмі выраўняўся»

Галоўны трэнер «Тарпеда-БелАЗ» Дзмітрый Молаш пракаментаваў перамогу над «Смаргонню» (2:1).

«Перш за ўсё: усіх заўзятараў «Тарпеда-БелАЗ» віншую з перамогай! Такія матчы ў пачатку сезону: шмат бязладзіцы, барацьбы, эмоцый – характар выходзіць на першы план.

Натуральна, хацелі больш спакойнай гульні, калі павялі 2: 0, але гэты гол прымусіў трошкі нас панервавацца. У чарговы раз каманда паказала, што характар ёсць, умеем трываць і гуляць у мужчынскі футбол.

Тры ачкі ўзялі – гэта самае важнае на сёння. Ідзем далей!

Больш падрабязна аб нервовай канцоўцы. Важна разумець, што наш чэмпіянат вельмі выраўняўся. Зараз шмат непрадказальных вынікаў. Мы з павагай ставімся да кожнай каманды.

Не скажу, што мы ў канцоўцы прыціснулася: дзесьці супернік націснуў, дзесьці мы свядома хацелі на контратацы згуляць. Таму што было зразумела: супраць нас выйшлі гуляць ад абароны. Нам трэба было забіць і прымножыць. Але здарыўся такі гол...

Другі момант: для цэласнай гульні трэба час, патрэбныя года. Павінен быць касцяк, які разам доўга гуляе, павінна быць агульнае разуменне.

Трэці момант – хваляванне за вынік. У кожнага футбаліста ёсць разуменне, што гэтыя тры ачкі трэба зарабіць. Асабліва ў канцоўцы, кожны эпізод, барацьба. Я шчаслівы, што нашы футбалісты дапрацоўваюць гэтыя эпізоды і мы перамагаем.

Яшчэ раз скажу: мне, як трэнеру, хацелася большага спакою, такога класа. Але гэта працэс, гэта прыйдзе праз перамогі, праз час. Дзесьці, як на старце сезону, трэба ператрываць, калі надвор'е, палі такія.

Траўка падрасце і, я ўпэўнены, з нашымі тэхнічнымі футбалістамі мы зможам больш цэласна дзейнічаць», – сказаў Молаш