Вадзім Скрыпчанка: «Ці здалося, што Марозаў залішне жорстка дзейнічаў супраць галкіпера «Славіі»? Я яго нават часам стрымліваю ў трэніроўках, але вітаю жорсткую мужчынскую барацьбу»
Галоўны трэнер мінскага «Дынама» Вадзім Скрыпчанка пракаментаваў перамогу каманды над «Славіяй» з лікам 2:0 у другім туры вышэйшай лігі.
– Вельмі прыемна зноў знаходзіцца ў Мазыры, на стадыёне, дзе ўмеюць хварэць балельшчыкі за сваю каманду. Зразумела, што мы чакалі цяжкі матч. Разумелі, што сапернік у першым туры саступіў і пры сваіх балельшчыках будзе, вядома, і матываваны, і будзе старацца даць сур'ёзны бой. У прынцыпе, з гэтым мы і сутыкнуліся, чакалі гэта, таму вельмі важна было нам перасягнуць саперніка ў адзінаборствах, напрамку гульні, у валоданні ініцыятывай, і рэалізоўваць тыя моманты, якія ўзнікалі ў гульні.
Можа быць, з пункту гледжання падрыхтоўкі да матчу, мы вельмі грунтоўна падышлі да вывучэння суперніка, але, прызнаюся сапраўды, што стартавы склад [«Славіі»] не тое, каб здзівіў, але галоўны трэнер «Славіі» зрабіў вельмі шмат змен у параўнанні з першым матчам, таму вельмі цяжка было прадбачыць, хто выйдзе ў стартавым складзе, таму ў гэтых адносінах мы не думалі, што будзе такі стартавы склад у саперніка. Але, тым не менш, вельмі цікавы матч атрымаўся, быў такі баявы, з узаемнымі шанцамі, але мы рэалізавалі тыя шанцы, якія ў нас узніклі.
Яшчэ раз скажу, што гэта заслуга ўсёй каманды, што Улад Марозаў падсумаваў дзеянні камандныя ў нападзе. З'ехаць з Мазыра з перамогай – гэта каштоўна. Удзячны камандзе за матч, за характар. Таму што мы ніводнай трэніроўкі не правялі на натуральным полі. Тут былі асцярогі, наколькі мы фізічна справімся, таму што было яно мяккаватае, але такім яно было для дзвюх каманд. У цэлым лічу, што мы выдатна справілі.
– Ці не здалося вам, што Марозаў пры другім голе залішне жорстка дзейнічаў супраць галкіпера?
– Я разумею ваша пытанне, натуральна, вам падалося, што было, магчыма, парушэнне. Але я ведаю, Уладзіслава і яго нацэленасць на барацьбу ... Ён моцны хлопец і ў яго вочы гараць у адзінаборствах. Я яго нават часам стрымліваю ў трэніроўках, каб ён так цвёрда не ішоў у адзінаборствы нават супраць сваіх партнёраў па камандзе. Гэта яго адметная рыса і ён сёння вылучаецца, магчыма, тым, што гатовы ісці ў любое адзінаборства па-мужчынску і на мяжы жорсткага сутыкнення. Я вітаю жорсткую мужчынскую барацьбу. Не ведаю: калі было б парушэнне відавочнае, мусіць, варта было прызнаць, што арбітр памыліўся. А так, лічу, што ён даў гуляць, і гэта была мужчынская барацьба.
– Наколькі для вас наогул у спорце важны гэты аспект?
– Безумоўна, адзінаборствы – гэта вельмі важная частка футбола. Трэба разумець, што мы надавалі яму ўвагу. Ну, давайце, калі паглыбляцца ў падрыхтоўку да матча. «Славія» ў першым туры прайграла «Мінску» з лікам 0:2. Але пры гэтым выйграла 61% адзінаборстваў. Гэта сведчыць аб насычанасці барацьбы. Каманда прайграла, таму што не хапіла вырашальных эпізодаў, галявых сітуацый, але што тычыцца зарада, барацьбы, у гэтым кампаненце «Славія» перасягнула саперніка. Таму мы рыхтаваліся, нягледзячы на вынік першага матча, з павагай да саперніка паставіліся і былі гатовы да гэтага.
– Напэўна хочацца хутчэй выйсці на натуральны газон?
– Так, і я разумею рабят, якія часам выказваюць незадаволенасць, маўляў, хутчэй бы ўжо выйсці на натуральныя палі. Таму што гэта зусім іншае счапленне з газонам і іншая нагрузка на мышцы. Мы два з паловай месяцы працавалі на штучных палях – гэта назапашваецца. Я сам быў футбалістам. Калі ты адчуваеш пах травы, глебы, гэта зусім іншыя адчуванні.
Унутраная матывацыя, антураж, які быў. Няхай балельшчыкі [суперніка] прыйшлі, яны ўсё роўна ствараюць гэтую футбольную атмасферу.
– Скончылася міжнародная паўза, вашыя гульцы былі ў нацыянальных зборных Беларусі, як ацаніце іх выступ?
– У стартавым складзе выйшлі хлопцы, якія гулялі за нацыянальную зборную – Хвашчынскі, Марозаў, Быкаў, і тыя, хто гуляў у моладзевай – Дземчанка, Рылач, Калінін – 6 чалавек са зборных, якія… Былі асцярогі, як і заўсёды пасля міжнароднай паўзы, што могуць у нейкім іншым фізічным стане вярнуцца. Але ў добрым стане хлопцы вярнуліся.
Эмацыйны складнік пасля паражэнняў нацыянальнай зборнай застаўся на добрым узроўні, таму мы поўнасцю пераключыліся на клубныя нашы справы.
– Па-за заяўкай быў Макаўчык. Чаму?
– Ён вярнуўся з размяшчэння зборнай, і ўзнікла праблема з каленным суставам. Будзем разбірацца. Ёсць невялікая азызласць. Трэба зрабіць МРТ і паглядзець, дзе ўзнікла праблема. Дарэчы, гэта ўзнікла яшчэ ў размяшчэнні клуба, але дало аб сабе ведаць пасля пераходу на натуральны газон ужо ў зборнай.
– Дэбютаваў наш малады варатар Лапавухаў. Пракаментуйце яго першы матч.
– Выдатная падзея для Фёдара. Думаю, ён зараз поўны эмоцый. Каманда перамагла, гэта дэбютная гульня ў вышэйшай лізе ў складзе нашага клуба. Усё гэта зашкальвае. Ён выдатна спрацаваў. Думаю, калі б вызначаў найлепшага гульца, напэўна, я б назваў яго, – сказаў Скрыпчанка.
