Экс-гендзір БАТЭ Залеўскі: «Калі зборную Беларусі адхіляць, гэта стане доказам, што трэба працягваць змагацца. Калі не – значыць, трэба з'яўленне большай сілы»
Экс-генеральны дырэктар БАТЭ Міхаіл Залеўскі падзяліўся меркаваннем аб магчымым адхіленні зборнай Беларусі ад міжнародных спаборніцтваў. Нагадаем, што выканкам УЕФА 4 красавіка разгледзіць гэтае пытанне.
– Калі б не пазіцыя CAS, які выказаў шкадаванне аб тым, што УЕФА не пачала расследаванне аб дыскрымінацыі спартсменаў у Беларусі, асацыяцыя і далей бы маўчала?
– Я б гэтыя два моманты наогул не звязваў адзін з адным.
– Калі б не пазіцыя CAS, які выказаў шкадаванне аб тым, што УЕФА не пачала расследаванне аб дыскрымінацыі спартсменаў у Беларусі, асацыяцыя і далей бы маўчала?
– Я б гэтыя два моманты наогул не звязваў адзін з адным. Упэўнены, што ва УЕФА ў прынцыпе задаволены рашэннем, якое вынес Спартыўны арбітражны суд. У канчатковым выніку яно ж не прымушае УЕФА нешта рабіць. Ды і мы ўбачылі ўжо, што чыноўнікі УЕФА не дазваляюць, каб невялікая група людзей (у нашым выпадку дзевяць заяўнікаў пры падтрымцы фонду) перамаглі такую арганізацыю. Гэта стварыла б прэцэдэнт, які нясе істотныя рызыкі для УЕФА. Так, мы занялі прынцыповую пазіцыю, у выніку ўсё дайшло да CAS. Ну а тамака ўжо вынеслі сваё рашэнне, не забыўшыся падстрахавацца фармулёўкай, якая фактычна прызнае факты дыскрымінацыі і рэпрэсій.
– Якое рашэнне ва УЕФА вы чакаеце?
– Мікалай Хадасевіч нядаўна сказаў, што не хоча, каб адхілялі Беларусь, інакш пазбавімся градусніка, па якім можна вымяраць тэмпературу ў нашым футболе. Каб атрымліваць фон навін, жартаваць над відам спорту, лішні раз казаць пра тое, што ў зборную выклікаюцца не наймацнейшыя, а найбольш лаяльныя, што гэта наш узровень футбола – быццам і патрэбен гэты градуснік. Але нельга забываць, што з іншага боку на чары шаляў чалавечыя каштоўнасці. Многія нашы атлеты пазбавіліся кар'ер, заробку, былі вымушаны пакінуць Радзіму, шмат людзей, якія звязаны са спортам, сядзяць у турмах. На такім фоне навінныя падставы, якія дае каманда Кандрацьева і кампанія, не вартыя таго.
Калі каманду адхіляць, я адчую, што зроблены пэўны крок на шляху да чалавечых прынцыпаў, каштоўнасцей спорту, што не ўсё ў гэтым свеце прадажна і цынічна. Гэта стане пэўным доказам, што трэба працягваць змагацца.
Калі ж зборную не адхіляць, то зразумею, што вагі і маштабу цяперашняй грамадскай думкі недастаткова. Што УЕФА зараз мацнейшае, чым нейкая кааліцыя ў Еўрапарламенце, чым міністр унутраных спраў Германіі ці міністр спорту Польшчы. Неабходна ў такім выпадку разумець, што для дасягнення выніку трэба ўсё ж з'яўленне большай сілы, якая здольная змагацца з УЕФА на роўных, – сказаў Залеўскі.
