Малееў пра 0:2 у другім спарынгу з расіянкамі: «Першы тайм правальны проста. Тэхнікі не хапіла: адабралі мяч, а перадачу аддаць не можам. Цэласнай гульні ўвогуле не атрымалася»

Галоўны трэнер жаночай зборнай Беларусі Юрый Малееў пракаментаваў паразу з лікам 0:2 у другім спарынгу з прадстаўніцамі Расіі.

«Першы тайм правальны проста ў плане арганізацыі гульні, у плане кантролю… Проста тэхнікі не хапіла. Тыя перадачы, у якіх мы памыляліся, – гэта жах. За кошт вось гэтых перадач недакладных: мы адабралі, а перадачу аддаць не можам – 3 метры і зноў адбор, і зноў столькі сіл, столькі энергіі мы патрацілі. У прынцыпе канструктыўнасці ў нас ніякай не было. Адбыліся перастаноўкі, другі тайм, у прынцыпе, нядрэнна правялі. Мы самі разбярэм, чаго нам не хапіла, але цэласнай гульні ўвогуле не атрымалася.

[У Расіі] уся каманда, якая гуляў першую гульню, выйшла, акрамя аднаго гульца: Смірнову памяняла, па-мойму, Сямёнава. Усе астатнія гульцы гулялі. І мне трэба было гэтак жа рабіць, а не даваць усім гуляць. Хто лепш, хай той і гуляе», – сказаў Малееў.