Месі, Алькарас, Эрыксен, зборная Аргенціны па футболе – сярод лаўрэатаў прэміі Laureus World Sports Awards
Сталі вядомыя лаўрэаты спартыўнай прэміі Laureus World Sports Awards па выніках 2022 гады.
Спартсменам года прызналі нападаючага «ПСЖ» і зборнай Аргенціны Ліянеля Месі – ён стаў чэмпіёнам свету ў мінулым годзе.
Спартсменкай года стала ямайская лёгкаатлетка Шэлі-Эн Фрэйзер-Прайс – яна атрымала 5-ы тытул чэмпіёнкі свету ў бегу на 100 м і перамагла ў «Дыяментавай лізе» па выніках сезона 2022 года.
Каманда года – зборная Аргенціны па футболе, якая стала чэмпіёнам свету ў 2022 годзе.
Прарывам года стаў іспанскі тэнісіст Карлас Алькарас – у 2022-м ён стаў самай маладой першай ракеткай свету ў гісторыі і атрымаў першы тытул турніру Вялікага шлема.
Вяртаннем года прызнаны датчанін Крысціян Эрыксен з «Манчэстэр Юнайтэд», які працягвае прафесійную кар'еру пасля спынення сэрца ў чэрвені 2021 года.
Спартсменкай года сярод альтэрнатыўных відаў спорту выбралі кітаянку Эйлін Гу – у 2022-м яна стала самай маладой алімпійскай чэмпіёнкай у лыжным фрыстайле, выйграўшы спаборніцтвы па бігейры.
Спартсменка года з інваліднасцю – Кацярына Дэбрунер са Швейцарыі. Яе адзначылі за дамінаванне ў велатрэку.
Laureus World Sports Awards – спартыўная ўзнагарода, лаўрэатаў якой вызначаюць найлепшыя журналісты з каля 80 краін.